LYRIC
अब कित जाऊँजी हार कर सरणै थॉरै आयो लीरिक्स
Ab Kit Jaoonjee Haar Kar Saranai Thorai Aayo Lyrics
( मारवाड़ी बोली )
अब कित जाऊँजी, हार कर सरणै थॉरै आयो ||
जबतक धनकी धूम रही घर भायाँ सेती छायो ।
साला-साढू भोत नीसरथा, नेड़ोइ साख बतायो ।।
अणगिणतीका बण्या भायला, प्रेम घणो दरसायो ।
एक एकसे बढ़कर बोल्यो, एकहि जीव बतायो ।॥
सभा-समाज, पंच पंचायत, ऊँचो भोत बिठायो ।
वाह-वाहकी धूम मचाई, स्याणो घणो बतायो ।।
घरका सभी, साख सबहीएँ, सबहीकै मन भायो ।
बाताँ सेती सभी पसीनै ऊपर खून बुहायो ।।
लक्ष्मी माता करी कृपा जद, चंचल रूप दिखायो ।
माया लई समेट, भरमको पड़दो दूर हटायो ।।
मात-पितानैं खारो लाग्यो, भायाँ मान, घटायो ।
साला-साढू सभी बीछड़या, कोइ न नेड़ो आयो ॥
‘एक जीवका’ भोत भायला, एक न आडो आयो ।
उलटी हँसी उडाई जगमैं, बेवकूफ बतलायो ।।
टूट्यो प्रेम, छुट्यो सँग सबसूँ, सब कोई छिटकायो ।
नाक चढाकर मुहसू बोल्या, सब जग हुयो परायो ॥
सुखको रूप समझकर जगनें, भोत दिना भरमायो ।
खुल गई पोल, रूप सगलाँको असली चौड़े आयो ।
मिटी भरमना सारी, थारै चरणाँ चित्त लगायो ।
नाथ ! अनाथ पतित पापीनें तुरत सनाथ बणायो ॥
English Translated Lyrics
( Maaravaadee Bolee )Ab Kit Jaoonjee, Haar Kar Saranai Thorai Aayo ||
Jabatak Dhanakee Dhoom Rahee Ghar Bhaayaan Setee Chhaayo .
Saala-Saadhoo Bhot Neesaratha, Nedoi Saakh Bataayo ..
Anaginateeka Banya Bhaayala, Prem Ghano Darasaayo .
Ek Ekase Badhakar Bolyo, Ekahi Jeev Bataayo ..
Sabha-Samaaj, Panch Panchaayat, Ooncho Bhot Bithaayo .
Vaah-Vaahakee Dhoom Machaee, Syaano Ghano Bataayo ..
Gharaka Sabhee, Saakh Sabaheeen, Sabaheekai Man Bhaayo .
Baataan Setee Sabhee Paseenai Oopar Khoon Buhaayo ..
Lakshmee Maata Karee Krpa Jad, Chanchal Roop Dikhaayo .
Maaya Laee Samet, Bharamako Padado Door Hataayo ..
Maat-Pitaanain Khaaro Laagyo, Bhaayaan Maan, Ghataayo .
Saala-Saadhoo Sabhee Beechhadaya, Koi Na Nedo Aayo .
Ek Jeevaka Bhot Bhaayala, Ek Na Aado Aayo .
Ulatee Hansee Udaee Jagamain, Bevakooph Batalaayo ..
Tootyo Prem, Chhutyo Sang Sabasoon, Sab Koee Chhitakaayo .
Naak Chadhaakar Muhasoo Bolya, Sab Jag Huyo Paraayo .
Sukhako Roop Samajhakar Jaganen, Bhot Dina Bharamaayo .
Khul Gaee Pol, Roop Sagalaanko Asalee Chaude Aayo .
Mitee Bharamana Saaree, Thaarai Charanaan Chitt Lagaayo .
Naath ! Anaath Patit Paapeenen Turat Sanaath Banaayo .
No comments yet