LYRIC
जानत प्रीति रोति रघुराई ।
Jaanat Preeti Roti Raghuraee Tulsidas Bhajan Lyrics Hindi
जानत प्रीति-रोति रघुराई ।
नाते सब हाते करि राखत, राम सनेह-सगाई ॥ १ ॥
नेह निबाहि देह तजि दसरथ, कीरति अचल चलाई ।
ऐसे पितु तें अधिक गीधपर ममता गुन गरुआई ॥ २ ॥
तिय बिरही सुग्रीव सखा लखि प्रानप्रिया बिसराई ।
रन परयो बंधु बिभीषन ही को, सोच हृदय अधिकाई ॥ ३ ॥
घर, गुरुगृह, प्रिय-सदन, सासुरे, भइ जब जहँ पहुनाई ।
तब तहँ कहि सबरीके फलनिकी रुचि माधुरी न पाई ॥ ४ ॥
सहज सरूप कथा मुनि बरनत रहत सकुच सिर नाई ।
केवट मीत कहे सुख मानत बानर बंधु बड़ाई ॥ ५ ॥
प्रभु प्रेम- कनौड़ो राम सो त्रिभुवन तिहुँ काल न भाई ।
‘तेरो रिनी’ कयौ हौं कपिसों ऐसी मानहि को सेवकाई ।। ६ ।।
तुलसी राम सनेह-सील लखि, जो न भगति उर आई ।
तौ तोहिं जनमि जाय जननी जड़ तनु-तरुनता गवाँई ॥ ७ ॥
Jaanat Preeti-Roti Raghuraee Tulsidas Bhajan Lyrics English
Jaanat Preeti-Roti Raghuraee .
Naate Sab Haate Kari Raakhat, Raam Saneh-Sagaee . 1 .
Neh Nibaahi Deh Taji Dasarath, Keerati Achal Chalaee .
Aise Pitu Ten Adhik Geedhapar Mamata Gun Garuaee . 2 .
Tiy Birahee Sugreev Sakha Lakhi Praanapriya Bisaraee .
Ram Parayo Bandhu Bibheeshan Hee Ko, Soch Hrday Adhikaee . 3 .
Ghar, Gurugrh, Priy-Sadan, Saasure, Bhi Jab Jahan Pahunaee .
Tab Tahan Kahi Sabareeke Phalanikee Ruchi Maadhuree Na Paee . 4 .
Sahaj Saroop Katha Muni Baranat Rahat Sakuch Sir Naee .
Kevat Meet Kahe Sukh Maanat Baanar Bandhu Badaee . 5 .
Prabhu Prem- Kanaudo Raam so Tribhuvan Tihun Kaal Na Bhaee .
Tero Rinee Kayau Haun Kapison Aisee Maanahi Ko Sevakaee .. 6 ..
Tulasee Raam Saneh-Seel Lakhi, Jo Na Bhagati Ur Aaee .
Tau Tohin Janami Jaay Jananee Jad Tanu-Tarunata Gavaanee . 7 .
No comments yet