LYRIC
सुंदर स्याम सुजान सिरोमनि देउ कहा कहि गारी हो हिन्दी लीरिक्स ।
Sundar Syaam Sujaan Siromani Deu Kaha Kahi Gaaree Ho Lyrics Hindi
गारी
सुंदर स्याम सुजान सिरोमनि, देउ कहा कहि गारी हो ।
बड़े लोग के औगुन बरनत, सकुचि उठत मन भारी हो ॥१॥
को करि सकै पिताको निरनौ जाति-पाँति को जानै हो ।
जाके जैसीयै मन आवत तैसिय भाँति बखानै हो ॥२॥
माया कुटिल नटी तन चितवत। कौन बड़ाई पाई हो ।
इहि चंचल सब जगत बिगोयो जहँ तहँ भई हँसाई हो ॥ ३ ॥
तुम पुनि प्रगट होइ बारे में कौन भलाई कीनी हो ।
मुकति-बधू उत्तम जन लायक अधमनिकों दीनी हो ॥ ४॥
बसि दस मास गरभ माताके इहि आसा कर जाये हो ।
सो घर छोड़ि जीभके लालच भये हो पूत पराये हो ॥५॥
बारेतें गोकुल गोपिनके सूने घर तुम डाटे हो ।
पैटे तहाँ निसंक रंक लौं दधिके भाजन चाटे हो ||६||
आपु कहाड़ धनीको टोटा भात कृपन लौ भाँग्यो हो ।
मान भंग पर दूजैं जाचतु नैकु सँकोच न लाग्यो हो ॥ ७ ॥
लोलुप तातें गोपिनके तुम सूने भवन ढोरे हो ।
जमुना न्हात गोप कन्यनिके निलज निपट पट चोरे हो ॥८॥
बैनु बजाइ बिलास करत बन बोलि पराई नारी हो ।
ते बातें मुनिराज सभामें है निसंक विस्तारी हो ॥९॥
सब कोउ कहत नंदबाबाको घर भरघो रतन अमोल हो ।
गर गुंजा सिर मोर-पखौवा गायनके सँग डोले हो ॥१०॥
साधु-सभामें बैठनिहारों कौन तियन सँग नाचै हो ।
अग्रज संग राज-मारगमें कुबजहिं देखत लाचै हो ॥ ११ ॥
अपनि सहोदरि आपुहि छल करि अरजुन संग नसाई हो ।
भोजन करि दासी-सुतके घर जादव-जाति लजाई हो ॥१२॥
ले ले भजे नृपतिकी कन्या यह धौं कौन बड़ाई हो।
सतभामा गोलमें बिबाही। उलटी चाल चलाई हो ॥१३॥
बहिन पिताकी सास कहाई नैकहु लाज न आई हो।
ऐसेइ भाँति विधाता दीन्हीं सकल लोक ठकुराई हो ॥१४॥
मोहन बसीकरन चट चेटक मंत्र मंत्र सब जानै हो ।
तात भले जु भले सब तुमको भले भले करि मानै हो ||१५||
बरनौं कहा जथा मति मेरी बेदहु पार न पावै हो ।
भट्ट गदावर प्रभुकी महिमा गावत ही उर आवै हो ।।१६।।
Sundar Syaam Sujaan Siromani Deu Kaha Kahi Gaaree Ho Lyrics English
Sundar Syaam Sujaan Siromani, Deu Kaha Kahi Gaaree Ho .
Bade Log Ke Augun Baranat, Sakuchi Uthat Man Bhaaree Ho .1.
Ko Kari Sakai Pitaako Niranau Jaati-Paanti Ko Jaanai Ho .
Jaake Jaiseeyai Man Aavat Taisiy Bhaanti Bakhaanai Ho .2.
Maaya Kutil Natee Tan Chitavat. Kaun Badaee Paee Ho .
Ihi Chanchal Sab Jagat Bigoyo Jahan Tahan Bhee Hansaee Ho . 3 .
Tum Puni Pragat Hoi Baare Mein Kaun Bhalaee Keenee Ho .
Mukati-Badhoo Uttam Jan Laayak Adhamanikon Deenee Ho .4.
Basi Das Maas Garabh Maataake Ihi Aasa Kar Jaaye Ho .
So Ghar Chhodi Jeebhake Laalach Bhaye Ho Poot Paraaye Ho .5.
Baareten Gokul Gopinake Soone Ghar Tum Daate Ho .
Paite Tahaan Nisank Rank Laun Dadhike Bhaajan Chaate Ho .6.
Aapu Kahaad Dhaneeko Tota Bhaat Krpan Lau Bhaangyo Ho .
Maan Bhang Par Doojain Jaachatu Naiku Sankoch Na Laagyo Ho .7.
Lolup Taaten Gopinake Tum Soone Bhavan Dhore Ho .
Jamuna Nhaat Gop Kanyanike Nilaj Nipat Pat Chore Ho .8.
Bainu Bajai Bilaas Karat Ban Boli Paraee Naaree Ho .
Te Baaten Muniraaj Sabhaamen Hai Nisank Vistaaree Ho .9.
Sab Kou Kahat Nandabaabaako Ghar Bharagho Ratan Amol Ho .
Gar Gunja Sir Mor-Pakhauva Gaayanake Sang Dole Ho .10.
Saadhu-Sabhaamen Baithanihaaron Kaun Tiyan Sang Naachai Ho .
Agraj Sang Raaj-Maaragamen Kubajahin Dekhat Laachai Ho . 11 .
Apani Sahodari Aapuhi Chhal Kari Arajun Sang Nasaee Ho .
Bhojan Kari Daasee-Sutake Ghar Jaadav-Jaati Lajaee Ho .12.
Le Le Bhaje Nrpatikee Kanya Yah Dhaun Kaun Badaee Ho.
Satabhaama Golamen Bibaahee. Ulatee Chaal Chalaee Ho .13.
Bahin Pitaakee Saas Kahaee Naikahu Laaj Na Aaee Ho.
Aisei Bhaanti Vidhaata Deenheen Sakal Lok Thakuraee Ho .14.
Mohan Baseekaran Chat Chetak Mantr Mantr Sab Jaanai Ho .
Taat Bhale Ju Bhale Sab Tumako Bhale Bhale Kari Maanai Ho .15.
Baranaun Kaha Jatha Mati Meree Bedahu Paar Na Paavai Ho .
Bhatt Gadaavar Prabhukee Mahima Gaavat Hee Ur Aavai Ho .16.
No comments yet