LYRIC
बरनों बाल-भेष मुरारि । – राग बिलावल
Baranon Baal-Bhesh Muraari Bhajan Lyrics Hindi – Rag Bilaval
बरनों बाल-भेष मुरारि ।
थकित जित-तित अमर-मुनि-गन नंदलाल निहारि ॥
केस सिर बिन पवनके चहुँ दिसा छिटके शारि ।
सीसपर घरे जटा मानो रूप किय त्रिपुरारि ॥
तिलक ललित ललाट केसरि बिंदु सोभाकारि ।
अरुन रेखा जनु त्रिलोचन रयो निज पुरि जारि ||
कंठ कठुला नील मनि, अंभोज-माल सँवारि ।
गरल ग्रीव, कपाल उर, यहि भाय भये मदनारि ॥
कुटिल हरि नख हिये हरिके हरषि निरखति नारि ।
ईस जनु रजनीस राख्यो भालहू ते उतारि ॥
सदन-रज तन स्याम सोभित सुभग इहि अनुहारि ।
मनहु अंग विभूति, राजत संमु सो मधु-हारि ॥
त्रिदसपति-पति असनको अति जननिसों करि आरि ।
सूरदास बिरंचि जाको जपत निज मुख चारि ॥
Baranon Baal-Bhesh Muraari Bhajan Lyrics English – Rag Bilaval
Baranon Baal-Bhesh Muraari .
Thakit Jit-Tit Amar-Muni-Gan Nandalaal Nihaari .
Kes Sir Bin Pavanake Chahun Disa Chhitake Shaari .
Seesapar Ghare Jata Maano Roop Kiy Tripuraari .
Tilak Lalit Lalaat Kesari Bindu Sobhaakaari .
Arun Rekha Janu Trilochan Rayo Nij Puri Jaari .
Kanth Kathula Neel Mani, Ambhoj-Maal Sanvaari .
Garal Greev, Kapaal Ur, Yahi Bhaay Bhaye Madanaari .
Kutil Hari Nakh Hiye Harike Harashi Nirakhati Naari .
Ees Janu Rajanees Raakhyo Bhaalahoo Te Utaari .
Sadan-Raj Tan Syaam Sobhit Subhag Ihi Anuhaari .
Manahu Ang Vibhooti, Raajat Sammu so Madhu-Haari .
Tridasapati-Pati Asanako Ati Jananison Kari Aari .
Sooradaas Biranchi Jaako Japat Nij Mukh Chaari .
No comments yet