LYRIC
दयानिधि तेरी गति लखि न परं । – राग धनाश्री
Dayaanidhi Teree Gati Lakhi Na Paran Bhajan Lyrics Hindi – Rag Dhanashree
दयानिधि तेरी गति लखि न परं ।
धर्म अधर्म, अधर्म धर्म करि अकरन करन करें ।
जय अरु बिजय पाप कह कोनो ब्राह्मन साप दिवायो ।
असुरजोनि दीनी ताऊपर धरम उछेह करायो ||
पिता बचन छंडै सो पापी सो प्रहलादै कीन्हो ।
तिनके हेत खंभते प्रगटे नरहरि रूप जु लीन्हो ||
द्विज कुल-पतित अजामिल विषयी गनिका प्रीति बढ़ाई ।
सुतहित नाम नरायन लीनो तिहि तुव पदवी पाई ॥
जग्य करत बैरोचनको सुत बेद बिहित बिधि कर्म ।
तिहि हठि बाँधि पतालहि दीनो कौन कृपानिधि धर्म ।
पतिबरता जालंधर जुबती प्रगटि सत्य तें टारी ।
अधम पुंसचली दुष्ट ग्रामकी सुआ पढ़ावत तारी ॥
दानी धर्म भानुसुत सुनियत तुमतें बिमुख कहावें ।
बेद बिरुद्ध सकल पांडव सुत सो तुम्हरे जिय भावैं ॥
मुक्ति हेत जोगी बहु स्रम करें, असुर बिरोधे पावै ।
अकथित कथित तुम्हारी महिमा सूरदास कह गावै ॥
Dayaanidhi Teree Gati Lakhi Na Paran Bhajan Lyrics English
Dayaanidhi Teree Gati Lakhi Na Paran .
Dharm Adharm, Adharm Dharm Kari Akaran Karan Karen .
Jay Aru Bijay Paap Kah Kono Braahman Saap Divaayo .
Asurajoni Deenee Taoopar Dharam Uchheh Karaayo .
pita Bachan Chhandai so Paapee so Prahalaadai Keenho .
Tinake Het Khambhate Pragate Narahari Roop Ju Leenho .
Dvij Kul-Patit Ajaamil Vishayee Ganika Preeti Badhaee .
Sutahit Naam Naraayan Leeno Tihi Tuv Padavee Paee .
Jagy Karat Bairochanako Sut Bed Bihit Bidhi Karm .
Tihi Hathi Baandhi Pataalahi Deeno Kaun Krpaanidhi Dharm .
Patibarata Jaalandhar Jubatee Pragati Saty Ten Taaree .
Adham Punsachalee Dusht Graamakee Sua Padhaavat Taaree .
Daanee Dharm Bhaanusut Suniyat Tumaten Bimukh Kahaaven .
Bed Biruddh Sakal Paandav Sut so Tumhare Jiy Bhaavain .
Mukti Het Jogee Bahu Sram Karen, Asur Birodhe Paavai .
Akathit Kathit Tumhaaree Mahima Sooradaas Kah Gaavai .
No comments yet