LYRIC
बिनती सुण म्हारी सुमरो सुखकारी हरिके नामनैं
Binatee Sun Mhaaree Sumaro Sukhakaaree Harike Naamanain
( मारवाड़ी)
बिनती सुण म्हारी, सुमरो सुखकारी हरिके नामनैं ।
भटकत फिरथो जुण चौरासी लाख महा दुखदाई ।
बिन कारण कर दया नाथ फिर मिनख-देह बकसाई।।
गरभमायँ माताके आकर पाया दुःख अनेक ।
अरजी करी प्रभूसे, बाहर काढो, राखो टेक ॥
करी प्रतिग्या गरभमायँ मैं सुमरण करस्यूँ थारो ।
नहीं लगाऊँ मन बिषयाँमैं, प्रभुजी मर्ने उबारो ॥
जलम लेय जगमायँ चित्तनै विषयाँ मायँ लगायो ।
जलम-मरण-दुख-हरण रामको पावन नाम भुलायो ||
खोई उमर ब्रथा भोगाँकै सुख-सुपनेकै माँई ।
सुख नहिं मिल्यो, बढ्यो दुख दिन-दिन, रह्यो सोग मन छाई ।।
मृग-तृस्नाकी धरतीमैं जो समझै भ्रमसैं पाणी ।
उसकी प्यास नहीं मिटणैकी, निश्चै लीज्यो जाणी ॥
यूँ इण संसारी भोगाँमैं नहीं कदे सुख पायो ।
दुःखरूप सुख देवै किस बिध, मूरख मन भरमायो ।।
कर विचार, मन हटा विषयसै प्रभु चरणॉमैं ल्याओ ।
करो कामना त्याग, हरीको नाम प्रेमसैं गाओ ।॥
सुख-दुखमें संतोष करो अब, सगळी इच्छा छोड़ो ।
‘मैं’ और ‘मेरो’ त्याग हरीके रूप माय चित जोड़ो ।।
मिलै सांति, दुख कदे न ब्यापै, आवै आनंद भारी ।
प्रेममगन हो नाम हरीको जपो सदा सुखकारी ॥
English Translated Lyrics
Binatee Sun Mhaaree, Sumaro Sukhakaaree Harike Naamanain .Bhatakat Phiratho Jun Chauraasee Laakh Maha Dukhadaee .
Bin Kaaran Kar Daya Naath Phir Minakh-Deh Bakasaee..
Garabhamaayan Maataake Aakar Paaya Duhkh Anek .
Arajee Karee Prabhoose, Baahar Kaadho, Raakho Tek .
Karee Pratigya Garabhamaayan Main Sumaran Karasyoon Thaaro .
Nahin Lagaoon Man Bishayaanmain, Prabhujee Marne Ubaaro .
Jalam Ley Jagamaayan Chittanai Vishayaan Maayan Lagaayo .
Jalam-Maran-Dukh-Haran Raamako Paavan Naam Bhulaayo ||
Khoee Umar Bratha Bhogaankai Sukh-Supanekai Maanee .
Sukh Nahin Milyo, Badhyo Dukh Din-Din, Rahyo Sog Man Chhaee ..
Mrg-Trsnaakee Dharateemain Jo Samajhai Bhramasain Paanee .
Usakee Pyaas Nahin Mitanaikee, Nishchai Leejyo Jaanee .
Yoon in Sansaaree Bhogaanmain Nahin Kade Sukh Paayo .
Duhkharoop Sukh Devai Kis Bidh, Moorakh Man Bharamaayo ..
Kar Vichaar, Man Hata Vishayasai Prabhu Charanomain Lyao .
Karo Kaamana Tyaag, Hareeko Naam Premasain Gao ..
Sukh-Dukhamen Santosh Karo Ab, Sagalee Ichchha Chhodo .
Main Aur Mero Tyaag Hareeke Roop Maay Chit Jodo ..
Milai Saanti, Dukh Kade Na Byaapai, Aavai Aanand Bhaaree .
Premamagan Ho Naam Hareeko Japo Sada Sukhakaaree .
No comments yet