LYRIC
![](http://www.2035themes.com/tools/muusico/big_ads.jpg)
स्याम मोरे ढिगतें कबहुँ न जावै
Syaam More Dhigaten Kabahun Na Jaavai
स्याम मोरे ढिगतें कबहुँ न जावै ।
कहा कहूँ सखि ! गैल न छाड़े, जित जाऊँ तित घावै ।।
गैया दुहत गोद आ बैठे, दूध-धार पी जावै ।
दही मथत नवनी लेबेकौं मटकी माहिं समावै ॥
रोटी करत आइ चौकामैं, ऊधम अमित मचावै ।
जेंवत बेर संग आ बैठै, माल-माल गटकावै ॥
सखियन सँग बतरात आइ सो पंचराज बनि जावै ।
मुरली मधुर बजाय देखु सखि, मोहन हमहिं रिझावै ॥
सोबत समै सेज आ पौदै, गृह-स्वामी बनि जावै ।
स्वलप निंदरिया बीच सपनमहूँ, माधुरि-रूप दिखावै ।।
तदपि न बरजत बनै ताहि सखि, चित्त अति ही सुख पावै
बारहिं बार निहारि चंद्रमुख, अंतर अति हुलसावै ||
English Translated Lyrics
Syaam More Dhigaten Kabahun Na Jaavai .Kaha Kahoon Sakhi ! Gail Na Chhaade, Jit Jaoon Tit Ghaavai ..
Gaiya Duhat God Aa Baithe, Doodh-Dhaar Pee Jaavai .
Dahee Mathat Navanee Lebekaun Matakee Maahin Samaavai .
Rotee Karat Aai Chaukaamain, Oodham Amit Machaavai .
Jenvat Ber Sang Aa Baithai, Maal-Maal Gatakaavai .
Sakhiyan Sang Bataraat Aai so Pancharaaj Bani Jaavai .
Muralee Madhur Bajaay Dekhu Sakhi, Mohan Hamahin Rijhaavai .
Sobat Samai Sej Aa Paudai, Grh-Svaamee Bani Jaavai .
Svalap Nindariya Beech Sapanamahoon, Maadhuri-Roop Dikhaavai ..
Tadapi Na Barajat Banai Taahi Sakhi, Chitt Ati Hee Sukh Paavai
Baarahin Baar Nihaari Chandramukh, Antar Ati Hulasaavai ||
![](http://www.2035themes.com/tools/muusico/big_ads.jpg)
No comments yet